هنا الزاهد: 2020 كان عاما لطيفًا رغم صعوبته

راديو الشباب - وكالات - 

ودعت الفنانة المصرية هنا الزاهد عام 2020، على خلاف زملاءها الفنانين الذين ودعوه بغير أسف على مرورة، فوصفته بالعام اللطيف رغم صعوبته. 

ونشرت الزاهد عبر حسابها الخاص بـ"إنستغرام"، صورة جديدة معلقة عليها: "أول مرة أكتب تعليق طويل بالشكل ده، بس حسيت إني لازم أكتب اللي جوايا حالا، سنة 2020 كانت رائعة بالنسبة لي، على الرغم من كونها سنة صعبة علينا كلنا، لكن أنا دايما ممتنة وراضية بغض النظر عن إيه بيحصل، في شغلي خطيت خطوات كبيرة ناحية أحلامي، ومش قادرة أستنى لحد ما تشوفوا مسلسلي الجديد اللي تعبت بجد فيه".

تابعت الزاهد: "من وجهة نظري العمل الجاد دايما بيؤتي ثماره، تعبت أوي في التصوير، ما كنتش بنام لأيام بس كنت مستمتعة بكل مشهد بعمله، مفيش حاجة تضمن حياة طويلة وصحية ومزدهرة أكتر من أنك تحاول باستمرار تعمل اللي أنت عايزه وتحقق أحلامك، سنة 2020 علمتنا قيمة الأسرة وعايزة أشكر كل أفراد عائلتي على إعطائي القدرة على إكمال أي شيء صعب، وإيمانهم بيا، ومنحي طاقة ومشاعر إيجابية".

واختتمت الزاهد: "2021... خلونا نقرر إن بداية السنة الجديدة دي نكون دايمًا في كتف بعض، ونساعد أخواتنا من البشر اللي محتاجينا بغض النظر نعرفهم شخصيًا أو لا، وعلشان كده يلا ننشر شوية من البهجة واللطف، سنة جديدة سعيدة على الجميع".

من ناحية أخرى تنتظر  الزاهد عرض أحدث مسلسلاتها "حلوة الدنيا سكر" ينتمي المسلسل لنوعية أعمال الـ45 حلقة، وتدور فكرته في إطار اجتماعي كوميدي وتعتمد كل حكاية على مشاركة بطل مختلف ومجموعة مختلفة من الفنانين، مع وجود هنا الزاهد فى كل الحكايات، وهو من إخراج خالد الحلفاوي.